1
काठमाडौं, ११ माघ – चन्द्रागिरी नगरपालिका-२ नागढुङ्गाबाट अवैध लागूऔषध खैरो हेरोइन जस्तो देखिने पदार्थ १ सय ५० ग्राम सहित भारत घर भएका ३७ वर्षीय गोबिन्द बालालाई बिहीबार दिउँसो प्रहरीले पक्राउ गरेको छ ।
प्रहरी प्रभाग नागढुङ्गाबाट खटिएको प्रहरीले काँकडभिट्टाबाट काठमाडौंतर्फ आउँदै गरेको प्र.१-०१-००६ ख ४७९६ नम्बरको बसमा सवार उनलाई उक्त पदार्थ सहित पक्राउ गरेको हो ।
थप अनुसन्धानको क्रममा चन्द्रागिरी नगरपालिका-११ बस्ने २६ वर्षीय रमन महर्जन र धादिङ थाक्रे गाउँपालिका-११ बस्ने ३८ वर्षीय बिनोद तामाङको समेत संलग्नता रहेको खुल्न आएपछि प्रहरीले उनीहरूलाई बा.५१ प ७५५८ नम्बरको मोटरसाइकल सहित पक्राउ गरेको छ ।
यस सम्बन्धमा प्रहरीले आवश्यक अनुसन्धान गरिरहेको छ ।
सम्बन्धित खबर