2
जनकपुर, १३ माघ- मधेश प्रदेशको राजधानी जनकपुरधाम पुगेका पूर्वराजा ज्ञानेन्द्र शाहले आफ्नो यात्रा विशुद्ध धार्मिक रहेको बताएका छन् । परिवारसहित जनकपुरधाम आएका पूर्वराजा शाहले जानकी मन्दिरसहित विभिन्न मठ(मन्दिरमा पूजा(पाठ गरेका छन् । पूजा सम्पन्न गरेपछि सञ्चारकर्मीसँग संक्षिप्त प्रतिक्रिया दिँदै उनले यो पारिवारिक धार्मिक यात्रा मात्र भएको स्पष्ट पारे ।
सोमबार दिउँसो जानकी मन्दिर पुगेका पूर्वराजा परिवारलाई समर्थकहरूले स्वागत गरेका थिए । जानकी मन्दिरमा पूजा गरेपछि पूर्वराजा शाह करिब आधा किलोमिटर पैदल यात्रा गर्दै राम मन्दिर पनि पुगेका थिए ।
यात्राका क्रममा हिन्दुवादी संघ(संगठन तथा राष्ट्रिय प्रजातन्त्र पार्टी (राप्रपा) का कार्यकर्ताहरूले ‘राजा आऊ, देश बचाउ’ भन्ने नाराबाजीसमेत गरेका थिए ।