काठमाडौं, ११ चैत – सुर्खेतकी १६ वर्षीया इनिशा विकको बलात्कार र हत्या भएको घटनामा प्रहरीले सरकारी वकिलको कार्यालयलाई अनुसन्धान प्रतिवेदन बुझाएको छ। प्रहरीले अनुसन्धान सकेर बुधबार जिल्ला सरकारी वकिल कार्यालयलाई अनुसन्धान प्रतिवेदन बुझाएको जिल्ला प्रहरी प्रमुख एसपी सुधिरराज शाहीले जानकारी दिए।
प्रहरीले बुझाएको प्रतिवेदनमा मुख्य अभियुक्तका रुपमा घटनास्थलबाटै पक्राउ परेकासँगै अध्यनरत एक जना किशोरविरूद्ध जबरजस्ती करणी र कर्तव्य ज्यानसम्बन्धी मुद्दा कसुरमा जन्म कैदको मागदाबी गरिएको प्रहरी स्रोतले जानकारी दिएको छ। अन्य तीन जनाको हकमा ज्यान सम्बन्धी कसुरमा मुद्दा चलाउन माग प्रहरीले गरेको छ ।
मृतकको डिएनए रिपोर्ट, मोबाइल ट्याप सम्बन्धी फरेन्सिक रिपोर्ट र टक्सिकोलोजी सम्बन्धी रिपोर्ट आइ नपुग्दै प्रहरीले इनिशा सम्बन्धि आफ्नो अनुसन्धान प्रतिवेदन सरकारी वकिल कार्यालयमा बुझाएको हो ।
एसपी शाहीका अनुसार उल्लेखित केही अनुसन्धानहरु नेपालमा गर्न सम्भव नभएकाले हुँदा नमूना विदेशमा पठाइएको र रिपोर्ट आउन बाँकी छ। ‘त्यो रिपोर्ट प्राप्त भएमा इनिशाको मृत्युको कारण स्पष्ट रुपमा भन्न सहज हुने छ,’ उनले भने। त्यो परीक्षणले शरीरमा कुनै विषालु पदार्थ वा औषधि प्रयोग भए नभएको स्पष्ट भन्न सहज हुन्छ।
ट्युसन पढ्न बिहानै निस्केकी इनिशा फागुन २३ गते बिहान वीरेन्द्रनगर नगरपालिका–१ स्थित सामुदायिक वनको पार्कमा मृत अवस्थामा फेला परेकी थिइन्। यसअघि पोष्टमर्टम रिपोर्टले बलात्कारपछि अत्यधिक रक्तश्रावका कारण इनिशाको मृत्यु हुन पुगेको उल्लेख गरेको थियो । घटना अनुसन्धान सिआइबीका साथै जिल्ला प्रहरीले छुट्टा छुट्टै गरी प्रतिवेदन तयार पारेका थिए।
इनिशाको परिवारले भने प्रहरीले अनुसन्धान सकेर प्रतिवेदन बुझाए पनि अझै चित्त बुझाएका छैनन्। उनीहरुले शव बुझ्न मानेका छैनन्। त्यसैले १९ दिनदेखि इनिशाको शव सुर्खेत कालो गाउँस्थित कर्णाली प्रादेशिक अस्पतालमै छ। एसपी शाहीले भने मंगलबार जिल्ला प्रहरी कार्यालयमा इनिशाका बुवा, आमा, परिवारका सदस्य र आफन्तलाई राखेर प्रहरीको अनु