28
ललितपुर, २२ भाद्र – नेकपा एमालेको दोस्रो राष्ट्रिय विधान महाधिवेशनमा आज समूहगत छलफलको सुझाव पेस गरिँदैछ । समूहका नेताले सुझाव प्रतिवेदन प्रस्तुत गरेपछि अध्यक्ष केपी शर्मा ओलीले जवाफ दिने प्रचार विभाग प्रमुख राजेन्द्र गौतमले जानकारी दिए ।
ललितपुरको गोदावरीमा शुक्रबार सुरु भएको विधान महाधिवेशनमा प्रस्तुत अध्यक्ष ओलीको राजनीतिक प्रतिवेदन, उपाध्यक्ष विष्णु पौडेलको विधान संशोधन र महासचिव शङ्कर पोखरेलको साङ्गठनिकलगायत प्रस्तावमाथि शनिबार विभिन्न १० समूहमा छलफल भएको थियो ।
अध्यक्ष ओलीको जवाफसँगै समूहगत छलफलबाट आएका सुझावलाई समेटेर राजनीतिकसँगै समसामयिक प्रस्ताव पारित गरेर बैठक समापन गरिने एमालेले बताएको छ ।
महाधिवेशनमा देशभरबाट दुई हजार २६ प्रतिनिधि र आयोजककातर्फबाट तीन सय १५ जना गरी दुई हजार ३४१ जनाको सहभागिता छ ।