4
काठमाडौं, १७ मंसिर – राजनीतिक दलहरूले प्रतिष्ठाको विषय बनाएको आइतबार भएको उपनिर्वाचनमा काठमाडौंको कीर्तिपुर नगरपालिकाको प्रमुख पदमा नेपाली कांग्रेसका कृष्णमान डंगोल विजयी भएका छन् ।
निर्वाचन आयोगका अनुसार उनी ५ हजार ३ सय ३४ मतसहित विजयी बनेका हुन् । दोस्रो भएको माओवादीले ५ हजार ६७ मत प्राप्त गरेको छ । यसअघि ०७९ मा भएको स्थानीय तह निर्वाचनमा पनि यहाँ कांग्रेसले नै जितेको थियो । त्यतिबेला कांग्रेस उम्मेदवार राजकुमार नकर्मीले ९ हजार ४३ मत ल्याएका थिए ।
त्यतिबेला नेकपा एमालेका उम्मेदवार केश रत्न बज्राचार्य ५ हजार ५ सय ७ मतसहित दोस्रो स्थानमा रहेका थिए । माओवादीले भने त्यतिबेला पनि शिवशरणलाई नै उम्मेदवार बनाएको थियो । उनले त्यतिबेला ४ हजार ९० मत प्राप्त गरेका थिए ।