काठमाडौँ, ३ मंसिर– जिल्ला होटल व्यवसायी संघ काठमाडौंको नयाँ कार्यसमितिले सपथ तथा पदभार ग्रहण गरेको छ । शनिबार राजधानीमा आयोजित चौंथो अधिवेशनबाट नवनिर्वाचित कार्यसमितिले सपथ तथा पदभार ग्रहण गरेको हो ।
कार्यक्रमका प्रमुख अतिथि नेपाल पर्यटन वोर्डका प्रमुख कार्यकारी अधिकृत दिपकराज जोशीले पर्यटनसम्बन्धी नीतिगत सुधारमा होटल व्यवसायीहरुसँग समन्वय गरेर अघि बढ्ने, बजारीकरणको लागि बोर्डको तर्फबाट सहजिकरण गर्ने, कर्मचारीको क्षमता विकासकालागि विभिन्न तालिमको व्यवस्थापन गर्ने प्रतिबधता व्यक्त गर्नुभयो ।
होटल व्यवसायी महासंघ नेपालका महासचिव शंकर भण्डारीले व्यवसायिक हकहितका लागि महासंघ सदैब क्रियाशिल रहेको जानकारी गराउनुभयो । यस्तै होटल तथा पर्यटन व्यवसायी संघ वागमती प्रदेशका अध्यक्ष दामोदर नेपालले सामाजिक सञ्जालमा भाइरल हुने लहरले व्यवसायीमाथि विभिन्न क्षेत्रबाट आतंक सृजना गरिएको भन्दै त्यसलाई बन्द गर्नुपर्ने बताउनुभएको थियो ।
कार्यक्रममा काठमाडौँ जिल्ला माताहतका ईकाइ अध्यक्ष तथा कार्यसमितिहरुको उपस्थिति रहेको थियो । संस्थापक तथा निवर्तमान अध्यक्ष शैलेश कार्कीले नवनिर्वाचित सदस्यहरुलाई बधाईदिँदै नवनिर्वाचित कार्यसमितिलाई सफल बनाउन आफु सदैव तयार रहेको बताउनुभयो ।
पहिलो सत्रको कार्यक्रम सञ्चालन निवर्तमान महासचिव विष्णु प्रसाद घिमिरेले गर्नुभएको थियो भने दोश्रो चरणको कार्यक्रम नवनिर्वाचित महासचिव शैलेन्द विक्रम थापाले गर्नुभएको थियो ।
सपथ र पदभार ग्रहण गरेको नयाँ कार्यसमितिले विभिन्न निर्णय समेत गरेको छ । नवनिर्वाचित कार्यसमितिले होटल व्यवसायमा देखिएका समस्या समाधानका लागि हरेक दुई महिनामा नियमित बैठक बस्ने लगायतका निर्णय गरेको अध्यक्ष सुरेश बरालले जानकारी दिनुभयो ।
त्यस्तै कार्यक्रम मार्फत १७ सदस्यीय सचिवालय गठन गरिएको महासचिव शैलेन्द्र विक्रम थापाको जानकारी दिनुभयो । यस्तै उपाध्यक्ष मनोहरि कंडेलको संयोजकत्वमा पाँच सदस्यिय पर्यटन विभाग समेत गठन गरिएको छ । कार्यक्रममा महासचिव शैलेन्द्र विक्रम थापाको संयोजकत्वमा बेभसाईट निर्माण तथा डिजटल मिडिया हेर्ने उपसमिति गठन गठन गरिएको महासचिव थापाले जानकारी दिनुभयो ।
प्रथम पूर्ण कार्यसमितीको बैठकले निर्वाचित गराउन सहयोग गर्ने ईकाई अध्यक्ष तथा प्रतिनिधि, होटल तथा पर्यटन व्यवसायी संघ, बागमति प्रदेशका अध्यक्ष तथा पदाधिकारी, होटल व्यवसायी महासंघका महासचिव लगायत सम्पूर्णलाई धन्यवाद ज्ञापनसमेत गरेको छ ।